عمــر مــرســي يكتب ... رســالة من مــواطن
وارحم نــــــاسك وانصف شعبك م الذل وعيشته الفقريــــــــــة
غمضت عيــــــــــــــونك وودانك سديتها وخليتها ف ميـــــــة
واديت لعيــــــــــــــــــالك وولادك حق بيقلب مصر تكيــــــــــة
ليــــــــــــــه خليت شعبك يتبهدل نشفت بطنه من الطعميــــــة
والكـــــــــــــافيار من برة يجيلك ملو الطيارة الروسيـــــــــــة
والناس شقيانة ومش لاقيــــــــة لقمة عيش أو شربة ميــــة
حتى هدومنا معاك بيعنــــــــــاها مش ناقص غير التحتيــــــة
إيه اللى يخلى الشعب يحبــــــــك لما تهينه شوية شويـــــــــة
وأما بتحرم شعب بحالــــــــــــــه من حقه ف نسمة حريـــــة
والتعليم هنته ودمرتــــــــــــــــــه وصلت الناس للأميـــــــــــة
والصحة اللى ف عصرك راحـت م الفقر وتلويث الميـــــــــة
والإعلام خليته ف عـــــــــــــهدك ضحل وبيضلل يوميـــــــــة
والرشوة بفضلك وبظلــــــــــــمك وصلت للخمسين والميـــــة
حتى النكتـــــــة ف بق المصرى خليتها ف حكم المنسيـــــــة
يخرب بيت العهد بتـــــــــــاعك مصر ف عهدك مش مصرية
دايمـــــــــــا باسم الأخت الكبرى وبفضلك ننهان يوميـــــــــة
سيبت الدنيـــــــــا بتضرب تقلب والناس من نارك مكويـــــة
غـــــــــــــارت أيامك وسنينك من غير رجعة ومن غير ديـة
شفنــــــا الجوع والذل ف عهدك نسيتنا العزة المصريـــــــة
ربك والـــــــــــــحق إنك ظالم مابترحمش الشيخ والعــــالم
تكتم أنفـــــــــــــــاسهم بالقوة من غير رحمــــــة وأى مروة
اللى ب إيده يولــــــــــــــع نفسه واللى بيتجنن من يأســــــــه
من ظلمـــــــــــك ياسيادة الريس خليتنا نــــــــــأيس ونهيس
ولا الكرسى بيسحر صــاحبه يلزق فيه وبيصعب سحبـــــــه
وأما بتطلع منه اللزقــــــــــــة بيحس بذله وبالزنقــــــــــــــة
ويحس إن لظلمه نهايـــــــــــة وإن الحق ف إيده الرايــــــــة
يقرا لك حكمك قدامـــــــــــــك ومعاك الحـــــــــاشية وخدامك
وتحاول طبعـــــــــــــا تتملص ويخف الحكــــــــــم ويتقلص
بس وربك مش حــــــاتخلص وتعيش الثورة المصريــــــة
ليست هناك تعليقات:
إرسال تعليق